別錯過這最好的民主撒種時機 - 木羽飛

2012年3月28日 - YAHOO新聞

這幾個月來，香港風起雲湧，連幾歲的幼稚園生，都對梁振英、唐英年、何俊仁不感陌生。現在看似塵埃落定，前途雖未卜，我卻認為是最好的撒種契機，向我們的下一代播下民主自由的種子。

大女兒問：「咩叫一人一票選特首？」

我答：「即係每個人都有投票權，揀選自己喜歡的人，做我們這條船的船長。」

大女兒再問：「點解要揀？」

我答：「如果你們學校班會旅行，老師話去邊就去邊，你們無得揀，你會點？」（現在連幼稚園都很文明的了！人仔細細都會一人一票投選旅行地點。）

女兒：「哦，明白！」

大女兒問：「點解曾蔭權坐飛機都畀人鬧？」

因為當時滿口飯餸，我只好下刪一萬字：「人家請你坐私人飛機，可能係因為想你畀一啲好處佢，所以做特首要好小心。」

大女兒又問：「咁即係交換禮物，有咩唔好？」

一句交換禮物，差點令我噴飯，唯有趕忙放下碗筷打個比喻：「如果你係班長，老師要你每日揀一個最乖的同學出來，然後送佢一張獎狀。有同學因為想得到呢張獎狀，日日送貼紙畀你討好你，氹得你好開心，於是你就將獎狀送畀佢，你覺得有無唔妥？」

女兒有點猶疑了：「咁佢係咪全班最乖先？」

我答：「未必。」

女兒這次倒是很堅定了：「梗係唔得，咁咪唔公平囉！」

我只想說，在一個媽媽眼中，最近發生的事着實令人很擔憂，我們的下一代，不知要在一個怎樣的氛圍下成長。作為一個沒選票的小市民，我只有一個卑微的願望，希望我的孩子會變成一個有勇氣、有正義感、不畏縮、敢say no的人，因為只有這樣，人才不致於在迷霧中迷失方向、丟掉自己。

爸媽們，加油啊！