維他命C治傷風有效嗎？ - 勞永樂

2011年10月4日 - YAHOO新聞

維他命C對傷風有效嗎？藥商啲廣告梗係話有效啦，若果你信你就無謂睇喱篇文章喇。但係如果你想客觀啲去認識事實，不妨用十五分鐘嚟睇吓啲數據。

Cochrane Collaboration（譯Cochrane協作網），係不牟利，無收受藥商利益嘅獨立科研評審組織，由有志捍衛學術公正嘅世界級專家組成。

Cochrane協作網將多年嚟合符科學準則，有關維他命C預防及治療傷風嘅研究，統統翻查，然後進行綜合評審。合共評審咗29個臨牀測試，共涉及11,306人，其中10708人來自一般人口（普通人），598人係進行高體能運動人士，包括馬拉松跑手，滑冰運動員，以及在極地演習軍人。這萬多人每天都服用至少200 mg維他命C。

結果： 

結論：

1、如果你係一個普通人，日日食200 mg 維他命C，對預防傷風係無作用嘅。染咗傷風之後，先至食維他命C，對醫好你嘅傷風亦都係無作用嘅。

2、雖然你係個普通人，日日食200 mg 維他命C，唔能夠幫你預防傷風；但係你染上傷風之後，你唔舒服嘅時間會短啲，唔舒服嘅程度會低啲。

3、如果你進行高體能運動，日日食200 mg 維他命C，會減低你感染傷風嘅風險一半；染上傷風之後，你唔舒服嘅時間亦會短啲，唔舒服嘅程度亦會低啲。但係同普通人一樣，染上傷風之後，先至食維他命C，對醫好你嘅傷風係無作用嘅。

我嘅推介：

進行高體能運動嘅人，值得日日食200 mg 維他命C。

資料來源：

http://www2.cochrane.org/reviews/en/ab000980.html