[高登獨家專訪]：軒哥：我只係用四萬蚊就看透香港人既虛

2010年11月30日

【高登專訊】明報報導，大埔某中二學生從家人手裏拿得四萬「零食錢」，不乖乖地收起來「底調處理」，卻跑到學校走廊派發，每位拿錢的同學都要叫他一聲「軒哥」。 他一派錢，登時全校哄動，校方随即驅散學生，把「軒哥」 帶走， 並且輔導一番。 高登特約膠員立刻聯絡軒哥進行一次專訪。

膠：而家我叫聲軒哥可唔可以要desire唔要iphone？

軒哥：無所謂，老師教我們施比受更為有福。

膠：你點解要係學校派錢？

軒哥：我覺得我要咁多錢都無用，不如大家分享一下，大家開心，何樂而不為。

膠：咁你覺得點解校方會阻止

軒哥：好簡單，因為老師無得拎！

(軒哥點起一枝中華香煙，呼出一口煙) 

軒哥：佢地無理由叫我軒哥，所以連其他人都唔比拎，香港既老師目光短淺，只係識係班房扮晒野樹立自己權威，出到黎什麼也不是。

膠：如果家人比你四十萬，你係未都會派晒？

軒哥：Of course，如果我好似誠哥咁有錢，好似有千六億，我會派一千五百九十億，因為我洗唔晒。

膠：對於校方同社會咁既反應，你有咩感想？

軒哥：我只係用四萬蚊就看透香港人既虛偽，平時講乜施比受更為有福，要幫助有需要既人，唔好貪心，要知足，全部都係廢話。你問全校人，邊個唔讚成我咁做，我諗除左話事個幾個外無人會反對。不過我知道香港成個社會都係咁，全港市民反對但只有十幾個人讚成都會進行。

膠：你點睇解政府個關愛基金？

軒哥：晒尻氣，我用四萬蚊幫到既窮人仲多，起碼人地拎現金，唔講廢話。

膠：對於而家讀緊書既高登網民，你有乜建議比佢地？

軒哥：好簡單，退學。學校只係訓練工廠，唔係教育，佢地只係將後生仔打造成佢地想要既人。學店揾幾個鬼佬黎吹下水就收你幾皮野一年，學埋d無用既野，讀書係為左明理，唔係買cert。君不見時下大學生有幾明理，可能本身香港呢個社會就係反智。

膠：謝謝你的忠告，我會講比大家聽。好多謝軒哥抽空接受採訪。

軒哥：唔駛客氣，呢度有個LV袋我覺得個Pattern好單調，你要唔要？

膠：好呀！軒哥！多謝軒哥！

http://forum5.hkgolden.com/view.aspx?type=CA&message=2720985&fanti=1