把消失中的香港製成標本

2010年07月22日 - 蘋果

存留記憶，有人用文字，有人用影像，黎熾明（Tony）卻用微縮模型（miniature），以1：12的比例，把消失中的香港，製成標本。微縮模型要做到讓人驚嘆的地步，細節最重要。Tony今年的新作凉茶舖，牆上有部可以播節目的迷你電視，「我將部MP4拆咗個殼，整個電視機身落去，再錄咗啲片段嚟播。」片段是以前的卡通片《飄零燕》、舊時的官方宣傳片像「兩個夠晒數」，懷70年代的舊，貫徹到底。凉茶舖的關公神枱、「大展鴻圖」鏡面栩栩如生，但看來簡單的凉茶煲、凍飲機，其實絕不易做。

Tony去年的作品「香港髮廊」，門口有支會轉會亮的飛髮舖紅白藍轉轉燈，「收埋個慢速摩打喺上面，又要裝十幾粒微型LED白光燈。要佢轉得暢順，花咗唔少時間」。為求逼真，飛髮舖堆放的微型報紙，用上報紙的紙張印製。理髮椅最考工夫，沒有實物參考尺寸比例，單憑網上圖片自行摸索，整個製作前後花了Tony近三個月的公餘時間。

廣東話有句話叫「做嗰行厭嗰行」，Tony卻是正行做模型，公餘嗜好又是做模型。「我係做建築模型嘅，以前乜都要落手落腳做，但幾年前開始工序北移，家主要接生意交畀內地做，少咗落手，覺得悶，夜晚咪做嚟自己玩囉。」

Tony記得，小學五年級時學校開放日，他用一張墊麻雀枱的卡紙做材料，製作了他人生的第一個模型，在學校展出，「係一幢別墅，家諗番覺得好肉酸」。長大了做廣告設計，看無綫早晨節目《香港早晨》介紹建築模型，一見鍾情，不能自拔，想盡辦法入行。

一做廿多年，見證行業由全手工到電腦、機械輔助，練就Tony一對巧手，卻不敵大勢所趨，現在樓盤之類的建築模型，都是內地製作。07年技癢的他一頭栽進微縮模型的世界，加入了香港微型藝術會，第一個作品是現已變成高檔餐廳的灣仔和昌大押，後來又參與製作包浩斯風格的灣仔街市微型。

年紀大了懷念舊事物

44歲的他承認，「年紀開始大，開始懷念以前嘅事物，而呢啲事物正越來越少」。他做過「代表香港」的冰室，早前展覽，有姓「冰室」的居港日本人願以6,000元買下。

出版社快樂書房收集了Tony和另外七位香港微型藝術會成員的作品，輯印成《消失中的香港》，書展推出。但說到底，無論模型如何像真，Tony還是希望，舊時人情物事不應只留下標本，「好似喺日本，昭和時代嘅成條街都可以保留得番」。