聯國新指引，食翅開綠燈

2011年09月27日 - 蘋果

反對捕鯊食翅成全球主流，前NBA球星姚明亦出面力撐，惟聯合國轄下組織即將發出一份全球性鯊魚食用指引，將部份鯊魚列作可宰殺及進食種類。唯一有份參與撰寫該指引的港人林丁貴表示，指引是多國專家參考客觀數字及資料而寫，相信可以在保育、糧食與經濟三方面取得平衡。本地環保團體怒斥有關指引不合理，揚言必定反對。

有關指引源於去年7月聯合國世界糧農組織（簡稱FAO），聯同瀕臨絕種野生動植物國際貿易公約成員（簡稱CITES）在羅馬舉行的高峯會，討論鯊魚可持續食用問題。會後各國着手把研究及協商結果撰寫成指引，剛於本月中完成，最遲下月公佈。

狗仔魚及藍鯊可食用

本港海產進出口商會總秘書林丁貴獲邀出席會議及撰寫指引。林說在指引公佈前不能全面披露內容，但他指該次羅馬會議中，各國海洋學家、捕魚業界等代表達成兩項共識，「必須保護瀕危或數目減少嘅鯊魚，例如香港禁止入口嘅鯨鯊、大白鯊，同埋做天九翅嘅佬鯊等。其次係只捕殺全條活用、而且繁殖能力強嘅鯊魚，其肉、翅、皮、骨、肝等都要有商業價值，少一個條件都唔鼓勵捕殺，好嚴格。」

林指出，外界認定華人食翅是鯊魚遭濫捕的主因，但其實鯊魚其他部份都是大有市場，例如外國酒吧必備的炸魚薯條，很多是以鯊魚肉製成。他說，現今酒家使用的魚翅基本上都是狗仔魚（dog fish）及藍鯊（blue shark）兩類，「據海洋學家研究，藍鯊每次可以生130條以上嘅魚仔，成長期只有9至12個月；狗仔魚成長期更短至半年。由於唔存在瀕危問題，呢兩類鯊魚都列入指引嘅食用範圍。」

經營海產貿易超過30年的林丁貴，因公開支持食翅，變成環保團體公敵，但他說：「我絕對係環保嘅一分子！呢10幾年嚟，我飛勻全世界開會，接觸過好多海洋學家，佢哋都認同鯊魚唔係一刀切唔可以食。」

林續稱，不少人反對食翅源自網絡一段「活鯊取鰭」的兇殘片段，他對片段真確性抱有質疑。「片段見到漁夫割鯊魚背鰭後就將未死嘅鯊魚踢落海，我身為魚翅業者有疑問：點解漁夫無割鯊魚尾呢？呢度係做高級『勾翅』嘅材料，價值佔全條鯊魚超過五成。我唔敢話當中有造假成份，但希望大家聽取名人呼籲外，亦應自行思考。」

對於活鯊取鰭片段，譚凱邦相信並非每個漁夫都會這樣做，但是，有關行為肯定存在，「我看過無數捕鯊片段，部份的確無割尾鰭，但更多係割埋背及尾鰭。若果有人質疑，實在有轉移視線之嫌。」