「我唔怕黑，但係我同其他人一樣，我係怕凍嘅」。失明女孩龍懷騫在03年沙士時期拍攝宣傳片，鼓勵港人熱愛生命。昔日在電視裏跳「開心舞」的小女孩已長大成人，下月滿19歲，更即將入讀美國著名學府加州柏克萊大學（UC Berkeley）。她希望畢業後當教師，讓孩子利用知識走出貧窮陰霾，「希望大家都有開心嘅生命，好似我一樣」。
懷騫甫出生就患上視網膜腫瘤，必須切除雙眼挽回性命。那一年沙士襲港，她10歲，應宗教團體邀請拍攝「我熱愛生命」宣傳片，其後隨父母移民美國，今年8月將升讀加州柏克萊大學，近日她趁暑假回港與學生分享經歷。
「鼓起勇氣同人講嘢」
回想八年前在尖沙嘴旁文化中心外拍攝宣傳片，懷騫昨日接受訪問時說，當時想帶出的訊息是希望港人在沙士時期克服恐懼，「我唔怕黑，但係同其他人唔係太大分別，一樣有fears（恐懼）。我會喺黑暗嘅時候幫番佢哋」。
下月就滿19歲的懷騫很介意談及年齡，因她在美國比同級同學大一歲。她初到美國時害羞孤僻，上堂發問時會脹紅了臉，「我不斷同神祈禱，鼓起勇氣同人講嘢。同學都有主動say hi、同我hang out」。最初她說英文就口窒，放學回家就拚命翻聽錄音帶和發聲英文書，「聽到厭咗，就搵同學傾偈」。
從香港心光盲人學校到美國一般學校，懷騫要適應與健全孩子一起學習。上數學課，對三角柱、長方形沒有概念。上化學課，又不能看化學符號。老師因為她而學習點字，為她把點字功課轉成文字，方便批改。同學又鼓勵她，懷騫的成績越來越好，中學畢業更考取GPA滿分4分，獲頒「美國總統獎」。
「幫咗人就會好開心」
懷騫從未看過世界，最想看見顏色，或者玩捉迷藏時看見同學，「同學以為我睇唔到就捉唔到人，不過我識得熄燈嚇佢哋」。她看不見樂譜，靠聽覺和記憶學習小提琴，又參加學校弦樂團，最近喜歡拉梁祝等中國音樂，「我好幸運。每次拉小提琴，個腦就浮起人哋幫我嘅good memories」。
性格開朗的懷騫臉上時常掛着微笑，她坦言很幸運，也有信仰支持，「我成日叫自己唔好諗唔開心嘅嘢，諗吓我今日幫咗人，就會好開心」。懷騫勉勵年輕人要面對失敗，對未來有期盼才會成功，「讀書係好難，但唔好放棄問問題。生命有好多好禮物，等住年輕人去開。成功唔一定係有好多錢，而係有人因為你而改變，做其他人嘅禮物」。
懷騫獲美國多家名校錄取，最後選了柏克萊大學，「我本來想搵間近啲屋企嘅大學，但係媽咪話我係時候獨立，我都想做大人。我都好感恩，大學有七個老師都攞咗諾貝爾獎」。懷騫期待過獨立的大學宿舍新生活，正在跟媽媽學用洗衣機，「就算睇唔到顏色襯衫唔靚，起碼啲衫乾淨」。
龍媽教女 讓孩子從「撞板」中成長
龍太一直對女兒懷騫呵護備至，直至移民美國後，聽老師建議才學會"Let go"，讓孩子從「撞板」的過程中成長。懷騫學習使用盲人手杖時，每次在街上絆倒，龍太都哭着等女兒自行站起來。
懷騫隨父母移民美國後，當地老師都說龍太過份保護女兒，應讓她自立。有一次天氣轉冷，龍太專程拿外套到學校給懷騫，令女兒非常尷尬，「佢點都唔肯着，同學睇到覺得好唔自然。我係咪嘥氣？其實下次佢覺得凍，就會識自己攞衫着」。
勉勵家長應懂得放手
龍太每天駕車送懷騫上學，偷偷看着女兒進了校門才離開。每次懷騫在門前被垃圾桶絆倒，龍太都哭着不動，等女兒自行站起來或由同學扶她，「我想撲上去話佢聽前面有垃圾桶，但係佢一定要自己學識點用支cane（手杖）。如果我黐實佢，同學就唔會埋佢身」。
龍太勉勵香港家長，教導子女應懂得放手，「真係要Let go。大人生活好大壓力，唔退一步睇，就會加好多無謂嘢落細路仔身上」。
龍太從不擔心懷騫的學業成績，只着重培養品格，教她學會感謝，「令佢個心睇到呢個世界好可愛，周圍好多人愛佢。老師都話佢成日好好笑容」。懷騫就快上大學住宿舍，龍太正在教女兒使用電飯煲，期待感恩節與女兒團聚，「佢有導盲犬，返學手上有GPS（全球定位系統），唔會蕩失路，我只係驚佢識到壞朋友」。
沒有留言:
發佈留言