2016年5月20日星期五

Bloody Harvest - Human Organ Harvesting Interview




濕重怎麼辦? - 李宇銘

2016年4月22日 - 信報

常有患者問:濕重應該吃什麼好?首先需要說明,所謂「濕重」是指什麼?在中醫上,是指「濕氣較重」,如果濕氣在不同的地方,就會產生各種不適,例如濕氣在身體表面,就會出現周身肌肉關節疼痛、沉重乏力、發熱等病症。

但是,現在民間所說的「濕重」,多是指其他不適,例如肌膚浮腫、腳腫、皮膚油膩、陰部潮濕、大便黏滯或便溏等等,這些雖然也可以叫做濕氣,但嚴格來說在中醫上稱之為「水氣停滯」,或簡稱為「水停」、「水飲」。雖然「濕氣」和「水氣」大體均屬一類相近的病,可是在中醫來看兩者的診斷與治療相差較遠,因此這裏重點討論「水停」的問題。

凡是水濕病,一般覺得跟環境潮濕有關,例如颳風下雨就會導致病情加重。的確,外在的水會影響身體,更重要的是我們體內先有水濕,當外面的水濕增加,我們自己體內無法驅除多出的部分,那就會出現不適。這就是為什麼天氣潮濕較重的時候,也不是每一個人也會得濕病,中醫認為「正氣存內,邪不可干」,如果正氣充足的話,水濕是不會傷害人的。

芒果濕熱嗎? - 李宇銘

2016年5月20日 - 信報

不少人有一種想法,認為芒果「很濕熱」、「很毒」,這種對於食物屬性的認識,在民間流傳甚廣,除了芒果之外,還有橙、榴蓮、荔枝、龍眼等,也有人認為屬於濕熱一類。可是當我們翻查醫書,卻甚少有這樣記載,反而多說芒果有溫補作用,就像人參、北芪有補中益氣的功效!如何理解這樣的矛盾?

首先需要說明,在中醫上沒有一種食物是「濕熱」的!或者更準確的說,沒有哪種中藥是「濕熱的藥」。「濕熱」一般是指致病的「邪氣」,可是中醫對於藥物的認識,有「水能載舟,亦能覆舟」的過猶不及思想,一種藥對某些人有好處,但對其他人則有壞處,例如人參並非人人也適合,對身體不虛的人來說,人參也可是「毒藥」。

「濕熱」這概念,如果從正面來說,濕可以指一種東西比較多水、滋潤,熱就是指寒熱屬性之中偏於熱的一方,那麼如果一個人身體虛弱而有寒氣,同時又缺乏水(乾燥),這食物就比較適合他;反過來說,如果一個人身體不虛又水濕過盛,濕熱的食物就不適合他了。

文革浩劫50年

2016年5月 - 蘋果

http://hk.apple.nextmedia.com/culturalrevolution

2016年5月19日星期四

戴勞定戴PP - 方卓如

2016年5月18日 - 信報

原文照錄,報載白加道豪宅外籍銀行高層,屋企被爆竊,損失財物包括十隻手錶總值30萬元、首飾總值26萬元,現金5萬元,手袋9000元。30萬元10隻錶,平均每隻3萬元,買隻「勞」都未夠;26萬元珠寶首飾,一粒兩卡E colour vvs2 triple ex 嘅鑽石都要30萬過外。現金5萬元,好多炒股票嘅古惑仔身上都唔只袋5萬元,點會擺入夾萬?9000蚊嘅手袋……呢位銀行家住山頂,都相當樸素。又或者, 怕樹大招風,講少啲,反正佢知道,被人偷咗嘅都唔使旨意搵得番,費事畀人知佢擺咁多嘢喺屋企。

銀行家要發 先要個客發

銀行家戴隻3萬蚊嘅勞還是戴隻30萬嘅PP,好睇自己本事,冇得呃。銀行家全部靠客為生,唔係自己做生意嘅生意人。同揼骨一樣,你接客湊客工夫是否獨到,決定你戴乜嘢錶。揼骨嘅有咁多冧把,要儲客都唔容易。銀行家仲難,每間銀行嘅先天條件成日變,你控制唔到。就算喺銀行入面,咁多同事,個個精英,位位叻仔,要突圍,畀你有機會湊個好客,難過客人揀你揼骨。

2016年5月17日星期二

全世界都係L形經濟 - 方卓如

2016年5月11日 - 信報

無論經濟係L形、V形、U形,都要返大陸搵着數, 信佢一成都死。話時話,全世界都變咗L形經濟,一旦落咗底,就要打橫行好耐。橫行未必係壞事,日本都橫行咗好耐,日本嘅企業冇晒競爭力,但係日本人依然繼續生存,多咗古着店,多咗放題,汽水機仲係百二円。經濟橫行,生活樸素啲,冇咁多物質要求,唔一定慘過V形U形反彈。2003年到而家持續反彈,你覺得你嘅生活水平有同步上升咩?係咪覺得錢搵多咗但係唔見使?銀紙只係資源換領券,多咗換領券唔一定代表你可以換多咗資源。

七十年代唔同九十年代

七十年代出生嘅人,佢哋思想好單純,只係不停讀書返工搵錢提升生活水平。佢哋見證住由冇到有嘅過程,不但佢哋自己係由冇到有,連社會都係由冇到有。基本上,而家嘅生活必需品,佢哋係親眼目睹佢哋嘅誕生。呢代人如果叻嘅,已經享受過所有物質帶嚟嘅樂趣,應該進化到唔再追求物質。七十年代出生嘅活到而家,唔再追求物質,目前可以話生活得相當自在。

詭唔詭異? - 方卓如

2016年5月12日 - 信報

好耐未試過返屋企睇台慶,原來依家最好睇嘅電視,就係睇人點樣揶揄電視,詭唔詭異?

王維基話考慮參選立法會,參選目的只有一個就係要換特首。差不多每一屆立法會都會有個傳媒紅人出戰,大班、毓民,知名度夠高,基本上一出就贏。但係選到唔代表做到,選舉時候㷫合合,選完贏咗入到去,只係幾十分一,反而變咗普通人。四年之後唔連任,影響力仲唔及得選前嘅一介草民。立法會就係一個消滅個人魅力嘅攪肉機,完裝整件走入去,攪成肉碎面目模糊走出來,詭唔詭異?

負資產勝全身冇錢

《人民日報》訪問權威人士,坊間都話呢個權威人士就係習近平。只有大陸有呢個可愛,人人都知邊個講說話,但又唔需要露面話係自己講,有親身講嘅效果,冇現身說嘅責任,詭唔詭異?權威人士一錘定音,經濟運行係L形走勢,需求持續低迷,產能長期過剩。高槓桿是高風險,會引發金融危機,令老百姓儲蓄泡湯。「保人不保企」,唔會隨便債轉股,殭屍企業由得佢接埋,但工人要安置。