2015年4月22日星期三

個個都係丁蟹 - 方卓如

2015年4月17日 - 信報

而家啲後生仔女,未必睇過《大時代》,聽人講乜鬼嘢「丁蟹效應」,乜鬼嘢「港股大時代」,真係唔知你噏乜。有機會重播,將上下兩代人同時接軌,以後股市向上向落嘅集體意志就更一致。聽講有人用過《大時代》嚟響大學講解投資市場,可以用套電視劇做教材,套劇集厲害之餘,仲要佩服講者嘅創意。究竟可以如何利用《大時代》講投資?(注意:以下嚴重劇透)

投資最緊要講運

最記得嘅,就係尾段方展博(冇錯,又係姓方)問有錢佬借運,一齊買期指升。運,幾時都係投資市場最緊要嘅。新股神買港交所(00388)發達一戰成名,但最緊要係買港交所夠遲,夠晒啱時間。如果上年「滬港通」開通嘅時候買港交所,到而家一樣都贏,但就一啲都唔股神。要捱價捱咁耐先升,邊係股神?買咗冇幾耐就火箭升空,咁先至神。一買就升,只有兩類人士有本事。如果唔係Insider,就只可以係靠運。炒股票,最緊要有運,所以床下底的廢紙都有機會存番倉回本。

第二,期指永遠係最易令人發達同跳樓,丁蟹都係因為期指先要推晒啲仔落樓。炒股票要耐性,炒期指要失憶。萬一市況同你當初諗嘅唔同咗,即刻要打到昨日的我,即時變臉。唔係咁多人可以做到,人係有自我,唔會咁快覺得自己有錯。一係賺死,一係輸死。

股市中丁蟹最多,個個都自以為是,覺得自己啱晒。就係咁,市場先有買有沽。2000億元成交,有買有賣,個個都係丁蟹,個個都會覺得自己啱。

沒有留言:

發佈留言