2014年10月9日星期四

唔使用劍嘅 - 方卓如

2014年10月9日 - 信報

北京的陰霾有幾嚴重?飛機要飛近10分鐘先至可以見番個藍天,證明呢層煙厚得幾緊要。

絕非長期仇家

佔中已經成為北京見到香港人的第一話題,佢哋喺電視見到嘅畫面一樣,會係點嘅報道你同我都知。至於佢哋係咪可以知道詳情,就靠大家點樣答問你嘅人喇。就算你唔落場參與佔領運動,唔代表你對個運動無參與。

喺呢個緊張時候,爆單秘密收款嘅事件出嚟,掌握呢樣資料嘅團體,一定唔係佢嘅長期仇家。秘密收款協議,公司唔知,清盤人唔知,得畀錢同收錢人知,最多包括埋佢哋嘅律師,性質上是秘密協議。秘密協議本身無問題,問題係協議嘅內容關於乜嘢同協議嘅目的。收購人哋公司,叫人哋公司嘅領導人唔好走出嚟競爭,係好合情合理,但一定係被收購嘅公司知情。枱底畀錢人哋公司嘅領導,無論筆錢嘅名目係如何,畀錢嘅目的梗係想你唔好阻頭阻勢。董事對公司有fiduciary duty,背住公司收錢,仲係公司嘅收購人,得㗎咩?

一人一份嘅協議,外人唔會有。兩三年前簽嘅文件,手握文件嘅人唔會喺近期咁風頭火勢嘅時候,會咁厲害喺澳洲搵番出嚟。用澳洲傳媒嚟引爆,因為本地傳媒喺而家劍拔弩張嘅時勢已經無一份令人覺得有公信力,只有一份無仇無怨嘅澳洲傳媒才會畀人中肯的感覺。有這份咁juicy嘅文件,如果係長期仇人,老早就攞出嚟做佢,唔會等咁耐。

什麼也有可能

而家呢個時候出手嘅,除咗係有本事(有文件在手)、有智慧(識揀媒體)同有用心(駱駝背上最後一根稻草)。呢個世界高人雲集,乜嘢都可以發生,政治嘅嘢幾唔可能都有,樞機爺爺唔好咁純情啊。

沒有留言:

發佈留言